Test Footer

Yadda luwadi ya jefa wani tsoho dan shekara 65 cikin bala'i da kaskancin rayuwa



Jami'an rundunar 'yan sandan Najeriya shiyyar jihar Neja dake a arewa ta tsakiyar Najeriya ta cafke wani tsohon banza dan shekara 65 mai suna Patrick Kalu bisa ga laifin yin luwadi da yaro dan shekara 15 a duniya mai suna Victo Inne a kauyen Karimo a cikin satin da ya gabata. Jami'an yan sandan dai sun kama ne turmi da tabarya yayin da yake lalata da yaron a kauyen da rana tsaka gatse-gatse kamar dai yadda majiyar mu ta Northern City News ta labarto mana.
Majiyarmu dai har ila yau ta samu cewa tsohon ya shaidawa manema labarai cewar ya shafe akalla shekaru biyu kenan yana yin wannan danyen aikin tun bayan da ya bar iyalin sa a jihar Abia ya taho jihar Neja ya kuma fara sha'awar yin lalata da yara kanana.
To sai dai kuma tsohon ya karyata zargin cewa wai tsafi ne ya ke sanya shi haka, inda ya bayyana cewa shi sha'wa ce kawai sannan kuma ya bayyana kan sa a matsayin sakarai wanda rayuwar sa ta lalace ya kuma kaskanta a idon duniya.
Daga Naijhausa

0 Response to "Yadda luwadi ya jefa wani tsoho dan shekara 65 cikin bala'i da kaskancin rayuwa"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel